海街丼 (東港城)

Open Now

Now Closed

前排同婆婆通電話, 講開佢係東港城經過一間日本料理餐廳心思思想試, 趁今晚可以提早放工, 就帶婆婆去食返餐。呢間餐廳係鰂魚涌有分店, 之前同同事都食過, 刺身從日本直送到港, 非常新鮮, 質素有保証, 更放心比老人家食。呢度主打數款丼飯, 另有刺身、日式小食同埋各款清酒。時令兩點刺身:當日時令刺身分別有油甘魚同埋帆立貝, 油甘魚嫩滑, 充滿魚鮮甘香, 沒半點酸; 帆立貝原粒上, 鮮甜肥美飽滿。炸油甘魚:即炸熱辣辣, 炸皮透薄鬆化不油, 一啖一件, 魚質偏林, 魚香味重。 海寶丼(上):丼飯整個set同時上檯, 店員先介紹、建議食用方法同次序。呢款丼飯豐富得刺身食材完全覆蓋壽司飯, 分別有吞拿魚、油甘魚、章魚、穴子、蛤蜊、小扇貝、真雪蟹、鮭魚子、青瓜。每啖都食到刺身, 非常足料! 而且口感層次豐富, 吞拿魚、油甘魚份量較多, 啖啖魚香。至於飯底沒有預先加入壽司醋, 另配上甜酸壽司醋啫喱自行加入飯底拌勻, 自行調味更滿足不同口味。食剩三份一嘅時候再將保暖瓶中嘅鯛魚湯倒入飯中, 𣊬間令飯底轉為熱辣辣湯飯, 湯汁味道超鮮甜, 一丼兩食, 超滿足!