Yadllie Plate Express 야들리애플래이트 (Closed)

想食韓國嘢，見火炭Yadllie Plate Express 可以OpenRice外賣自取下單，就買返屋企慢慢嘆。落咗單去到外賣已經整好包好哂～ 叫咗2人套餐：無骨雞揀咗蒜香口味，蒜香🧄口味好香，雞夠juicy，啖啖肉！牛肉紫菜飯卷有牛肉、紅蘿蔔絲、青瓜、黃瓜🥒、蛋，切好一件件，飯卷夠大件。小食有泡菜、辣魷魚，酸酸辣辣又鹹鹹地，配個紫菜飯卷一齊食，就令到飯卷更加香辣。鮮蝦沙律有蛋、鮮蝦。沙律菜新鮮爽口配有沙律醬。泡菜豆腐湯呢個辣得過癮，入邊豆腐夠嫩滑，芽菜、大蔥、紅蘿蔔條等。二人餐相當豐富，兩個人食好夠飽！見到其他外賣平台都有外賣自取，如果住附近唔想拎都可以叫外送，好方便。