九井食堂 (香港仔中心) (Closed)

急急腳出香港仔食午餐，嚟咗九井食堂，竟然唔使等位。全程冇服務可言，一坐低用QR code手機點餐叫咗個滑蛋吉列豬扒飯 $78呢個價錢仲包埋任食沙律，味增湯，飲品沙律菜都尚算新鮮，仲有蕃茄仔，同粟米任添，醬汁有麻醬同埋沙律油醋。飲品有簡單野，檸檬茶，汽水，青提沙冰，美綠，等等。午餐不過不失，豬扒炸得不錯，味道正常，唔係驚艷，但都唔係鍾無艷。食完飽飽，比完錢，仲有現金卷送。如果要特登嚟食就唔會，但附近食個快飯都會推薦你來。