十八夢

十八夢係銅鑼灣，夠晒大間又有服務，坐得又舒服，呢度仲有午市套餐，好正！我地食佐$388既特選季節刺身六品盛同埋$228既西京燒銀鱈魚定食，兩個套餐都有前菜送埋！首先刺身六品盛直情係omakase質素，好豐富，有赤蝦、雪場蟹腳、高級帶子、拖羅、劍魚腩、池魚😍原來赤蝦同黑松露係咁夾，黑松露既濃味帶出蝦既鮮味，蟹腳又多肉，拖羅又夠入口即溶，好食到唔想停口！另外西京燒銀鱈魚定食都一樣咁好食！傳統嘅日本菜式，銀鱈魚係真係好新鮮嘅銀鱈魚🐟超肥美，啲魚油滲晒出黎，魚皮燒到好脆，魚肉就保持到好嫩，另外仲有粟米🌽燒香嘅粟米焦焦地又好甜，超好食！