星聚軒

Open Now

Now Closed

次次出街食唔係日本野就西餐，有時侯都會想食中菜嘅，咁啱出開佐敦做野，今晚就一於約埋朋友一齊嘆個中餐啦！嚟到星聚軒，呢度嘅裝修比一般中菜館企理，仲有兩邊卡位，我地四大一細坐得落，都算闊落👍🏻好喇，講返野食先，今日人多少少，可以叫多個餸，但係我地一叫就唔只多兩個餸，結果要咗五餸一湯😆首先講下個龍皇杏白肺湯，肺湯呢回事，都係出街飲好，因為一諗起要洗就真係頭痛，呢度嘅白肺湯，杏汁味出得嚟又唔會太濃，算易入口🥣然後就有星聚鴛鴦蝦球，超級大嘅海蝦分別用咗沙律芥末醬同柚子醬兩款唔同口味嘅醬汁，隻蝦又大又爽口，正呀🍤再嚟就係黃金有米澳洲龍蝦伴煎米粉，用上湯煮嘅約一斤四兩重嘅澳洲龍蝦再伴煎米粉，米粉吸收晒個上湯，非常入味，龍蝦都算多肉🦞貴為食肉獸又點可以無肉呢，個秘製牛肋骨煮得入味之餘又夠淋，阿女今到lum lum脷🥩仲有個姬松茸遼參豆腐煲，呢個煲最驚喜嘅係個煲入面所有野都好好食，豆腐入味，遼參夠淋，呢個煲係最快清晒嘅一個餸🍄呢個鮮支竹魚腐浸時蔬，個魚腐係呢度自家製嘅，出面一定食唔到，啲白菜又夠新鮮，平均返晒全晚嘅餸菜🥬食完仲有桂花椰汁糕做甜品，又一個大滿足嘅夜晚😋