8鍋臭臭鍋 (金巴利道) (Closed)

呢晚同中學同學食飯，佢就建議去呢間8鍋臭臭鍋，我七點三到，都要等成半個鐘， 真係好多人排隊，條龍好長，想試一試臭臭鍋嘅朋友可能要多一點嘅耐性，可能因為一人一煲啦，環境都幾逼下。真係好多人排隊，唔係講笑。我就第一次食，驚太臭冇叫到佢個招牌臭臭鍋，所以叫咗個台式麻辣鍋（＄１１２），仲要係小辣嗰隻，味道就唔係好辣。 裏面有大白菜，牛肉片，麻辣餃，魚蛋，大腸，等等等等... 仲有個泡麵添，真係好豐富！味道唔錯， 啲配料亦都好多，最後都食淨咗米血糕，個人唔係太喜歡食。嘢飲方面我買咗香芋奶茶（＄２８）， 甜咗少少， 食啲咁濃味嘅嘢應該要飲番啲清淡嘅飲品中和下。