老鍋台式火鍋 (京都廣場) (Closed)

天氣咁凍，又係到左食火鍋既時間，有時返工Lunch都想食好少少，就揀左去老鍋食😆午市客人唔太多，等左一陣就入得，侍應見我拎左好多野，好好咁比左卡位我坐。原來午市可以揀一人火鍋，材料都幾豐富，有牛肉、娃娃菜、寛粉條、金針菇、松葉蟹棒&鮮豆皮，夾埋先$78，幾抵食。湯底揀左麻辣湯底，好辣好過癮，牛肉切得好薄好快就淥熟，脂肪分佈均勻，牛肉味濃；松葉蟹棒有兩條，食落幾有鮮味；鴨血係跟埋湯底的，口感軟腍又夠滑嫩；金針菇+娃娃菜夠哂新鮮，打邊爐必備菜式；寛粉吸哂湯底既精華，食落滑溜又惹味。整體用餐體驗都幾好，決定下次帶埋朋友黎試下邊爐先。