海景咖啡廊

Open Now

Now Closed

Staycation 第二日食左酒店嘅早餐。餐廳位於酒店M層，環境都幾寬敞，食物種類幾多，中式西式都有。今日人有啲多，所以睇唔到海景，少少可惜。首先試熱香餅，醬汁有好多選擇，加上糖漿同果肉粒粒香口好味，而且細細份唔頂胃。 Muffin好軟屬，不過可以多少少藍莓。香腸煎得好好，對比下煙肉同薯餅就擺得有啲耐，稍微乾身。奄列有專人即場煮，可以揀不同材料，我加左芝士 火腿 同蘑菇，非常建議加芝士黎豐富奄列嘅口感。水波蛋流心嘅口感非常治癒～唔同嘅蛋可以選擇：炒麵係粗身嘅麵條，食落好似日式炒麵咁，有驚喜到。煙三文魚好搶手，好彩有拎到黎食。中式點心試左蝦餃 燒賣 腸粉。可能為左令外國遊客識食腸粉，拎腸粉附近仲有食腸粉教學，非常有趣。點心都唔錯，不過腸粉再滑啲就好好食。魚蛋米嘅米線軟硬適中，菜好新鮮，上湯幾好味。另外要讚吓餐廳員工都非常有禮同親切，用餐體驗整體都唔錯！