鮨白鳥 (Closed)

鮨白鳥由來自九州嘅資深師傅原田誠先生親自主理，食材亦主要來自九州當地，甚至壽司米及紫菜亦用料講究，使用日本九州產，令食客於香港都感受到濃濃嘅九州風味。由於價錢合理，質素又高，所以一直都收穫唔少好評。呢日就抓住年假嘅尾巴，一個人去咗鮨白鳥享受高質日本午餐！午市套餐選擇甚多，價錢由$148至$458不等，既有刺身定食丶壽司定食，亦有唔少海鮮及和牛丼選擇。初次到訪，決定先試壽司定食，試試師傅嘅手勢！壽司定食($298)壽司定食包括：小鉢丶茶碗蒸丶壽司盛丶味噌汁丶甜品，十分豐富。是日小鉢係汁煮魚鮫，魚鮫煮得又淋又入味。茶碗蒸做得相當滑溜，而且加入三粒帶子增添鮮味，誠意十足。壽司定食有7件再加3小卷，店員非常專業地介紹每種食材嘅日文及中文。比較特別嘅有吉備奈子，我係第一次見！店員介紹話係一種好細條嘅銀帶魚，魚味淡口帶少許回甘。赤身經醬油醃漬，魚肉比平時食到嘅更為柔軟。牡丹蝦亦非常新鮮，口感軟滑，味道鮮甜，網上見到曾經配上蝦膏，想必鮮味更加倍！深海池魚魚味香濃，同樣令人回味！舍利選用日本九州產嘅「日光米」，黏度適中唔容易散，食落帶有少少咬口，比其他日本米更有口感。甜品有我至愛嘅抹茶蕨餅，每塊蕨餅都