Video
Read full review
2021-02-22
76 views
餐廳位於POPCORN 2樓，去食嘅當日係星期三1點鐘，隔離啲餐廳都無咩人，加上疫情關係，其中一間酒樓直情無開，但反而呢間餐廳入面都幾多客人，所以就決定試試，店員話燒肉放題可以食到3點。店員安排我地坐係卡位，對正餐廳嘅"SEAFOOD STATION"，本身應該係會提供刺身，但因為疫情關係，所以暫時停止供應，真係可惜。同依家其他食放題嘅餐廳一樣，已經唔再係用紙仔叫野食，都轉左掃QR CODE落單，我地一黎即刻叫左啲蠔同扇貝，本身諗住放題嘅海鮮應該都無咩好期待，但見佢種類多所以就求其叫左蠔，扇貝，蝦，帶子同魷魚。但黎到真係有驚喜，特別係蠔同扇貝，睇落大隻同新鮮，食落都非常鮮甜，食完都拿拿林再加單。蝦同魷魚都OK，正常發揮，但最緊要都係新鮮，呢樣真係加唔少分，所以好快就清曬所有嗌左嘅海鮮。黎食燒肉放題重頭戲都係要試佢啲燒肉啦，手機落單時候睇到有好多唔同種類部位嘅肉，牛肉，雞肉，羊肉同豬肉都齊，但因為我個人唔食羊，所以主要都係食其他。淨講牛肉，都己經分牛柳粒，牛小排，牛五花等等。我個人就最鐘意佢嘅牛柳粒，食落鬆軟得黎又帶有油香，忍唔住燒完又燒。整體黎講，啲肉類質素好好，可以照顧曬所有鐘意邊種
店員安排我地坐係卡位，對正餐廳嘅"SEAFOOD STATION"，本身應該係會提供刺身，但因為疫情關係，所以暫時停止供應，真係可惜。
同依家其他食放題嘅餐廳一樣，已經唔再係用紙仔叫野食，都轉左掃QR CODE落單，我地一黎即刻叫左啲蠔同扇貝，本身諗住放題嘅海鮮應該都無咩好期待，但見佢種類多所以就求其叫左蠔，扇貝，蝦，帶子同魷魚。但黎到真係有驚喜，特別係蠔同扇貝，睇落大隻同新鮮，食落都非常鮮甜，食完都拿拿林再加單。
蝦同魷魚都OK，正常發揮，但最緊要都係新鮮，呢樣真係加唔少分，所以好快就清曬所有嗌左嘅海鮮。
黎食燒肉放題重頭戲都係要試佢啲燒肉啦，手機落單時候睇到有好多唔同種類部位嘅肉，牛肉，雞肉，羊肉同豬肉都齊，但因為我個人唔食羊，所以主要都係食其他。淨講牛肉，都己經分牛柳粒，牛小排，牛五花等等。我個人就最鐘意佢嘅牛柳粒，食落鬆軟得黎又帶有油香，忍唔住燒完又燒。整體黎講，啲肉類質素好好，可以照顧曬所有鐘意邊種肉嘅朋友。
食燒肉食到7788，見佢MENU原來仲有好多熟食可以揀，例如雞翼，炸雞，餃子等等⋯⋯如果一入黎好餓想拿拿林叫啲野止餓嘅話就啱曬，而且佢野食黎嘅速度非常之快，我地叫嘅炸物五分鐘左右就到，仲係熱辣辣！見隔離枱叫左呢款餃子，個樣好吸引，所以都叫返碟。雖然果時已經飽飽地，但食落外脆內軟，應都無油淋淋嘅感覺，唔係求其炸一炸交貨就算，非常之好食。
特登留返個肚食甜品，見佢出面原先有自助區應該本身係可以比客人自己攞啲CAKE黎做甜品，但疫情關係自助區無開，咁唯有去雪櫃攞啲野食。雪櫃總共有五款口味雪糕可以揀，基本上都係大圍食開果啲，我個人覺得款式都夠嘅，咁當然都期待下次可以試下自助區嘅甜品。食埋甜品就埋單，每位$178，性價比非常之高，海鮮同肉嘅款式質素都比到我好大嘅驚喜， 雖然疫情關係令唔少食物都無提供，但選擇仍然非常多。另外，值得一讚就係店員有禮貌而且野食黎得非常之快，值得加分，期待疫情完結之後再黎食多次！
Post
