Video
Read full review
2023-04-04
241 views
阿仔病左好耐，見佢好返晒又有返胃口，所以就約埋表姨齊齊去Pizza Express食返過豐富晚餐慶祝下啦！先嚟兩杯特飲，『血橙梳打特飲』同埋『士多啤梨冰茶』，單睇兩杯特飲絕對係打卡首選，賣相超精緻，當然味道都係唔錯嘅，Kinsey大讚杯士多啤梨冰茶，佢話好香士多啤梨味之餘仲有好多果蓉係入面添。另一杯血橙梳打特飲表姨就話唔錯，酸酸甜甜好醒胃。『蘋果雞肉沙律』上次老公食過大讚，所以今次又嚟再encore。青蘋果加沙律菜再連埋雞肉一啖放哂入口，感覺好清新，依個組合真係好夾。Kinsey獨享嘅『肉醬扁意粉』，佢話一如以往好食，咁…見佢快快口食晒成碟都知係好味嘅…哈哈。嚟到新推出嘅限定菜式，先嚟『蒜香橄欖車厘茄焗蝦』，將醃製過嘅蒜蓉，再加入橄欖和車厘茄同蝦一齊烤焗，估唔到個蝦肉都會keep到爽口又鮮味，而最令我驚喜嘅係啲橄欖，估唔到加左蒜蓉油一齊焗嘅橄欖會咁香口，平日我唔鐘意食橄欖嘅我都食左好多粒呀。再嚟『芝士拼盤』，兩款芝士配上杏甫乾、杏仁及迷你麵包，整體係好味嘅，不過要一定要快食，因為一凍左個要芝士溶就會變回硬身，咁個口感就會打折扣啦。『烤雞配松露牛油』我地叫左半份雞再配以北非小米配抱子甘藍
先嚟兩杯特飲，『血橙梳打特飲』同埋『士多啤梨冰茶』，單睇兩杯特飲絕對係打卡首選，賣相超精緻，當然味道都係唔錯嘅，Kinsey大讚杯士多啤梨冰茶，佢話好香士多啤梨味之餘仲有好多果蓉係入面添。另一杯血橙梳打特飲表姨就話唔錯，酸酸甜甜好醒胃。
『蘋果雞肉沙律』上次老公食過大讚，所以今次又嚟再encore。青蘋果加沙律菜再連埋雞肉一啖放哂入口，感覺好清新，依個組合真係好夾。
Kinsey獨享嘅『肉醬扁意粉』，佢話一如以往好食，咁…見佢快快口食晒成碟都知係好味嘅…哈哈。
嚟到新推出嘅限定菜式，先嚟『蒜香橄欖車厘茄焗蝦』，將醃製過嘅蒜蓉，再加入橄欖和車厘茄同蝦一齊烤焗，估唔到個蝦肉都會keep到爽口又鮮味，而最令我驚喜嘅係啲橄欖，估唔到加左蒜蓉油一齊焗嘅橄欖會咁香口，平日我唔鐘意食橄欖嘅我都食左好多粒呀。
再嚟『芝士拼盤』，兩款芝士配上杏甫乾、杏仁及迷你麵包，整體係好味嘅，不過要一定要快食，因為一凍左個要芝士溶就會變回硬身，咁個口感就會打折扣啦。
『烤雞配松露牛油』我地叫左半份雞再配以北非小米配抱子甘藍、紅洋蔥及紅莓乾。烤雞嫩滑肉，食嘅時候加少少松露牛油，提升左個雞味，我覺得更加香口。另外，我地都係第一次食小米，估唔佢個口感又幾得意，幾好食呀。
最後嚟個『雙重芝士脆邊薄餅』，可能我本身係鐘意食薄嘅餅底，所以佢嗰種脆口感我都已經大愛，再加埋滿滿番茄醬上有西班牙肉腸、抱子甘藍同兩款唔同嘅芝士，芝士味好香濃而唔會好"確喉"。另一亮點就係經烤焗過嘅抱子甘藍係咁脆口，加埋芝士一齊食又幾夾哦。
Post
