中環茶記 (Closed)

中環半山區一帶好多古色古香、充滿香港情懷嘅特色餐廳，包括傳統出名嘅陸羽茶室同埋已經結業嘅蓮香樓，都見證咗香港人呢100年嘅滄桑變遷。時代感覺唔同咗，呢啲老店已經變成一種特色，好多人都係追求呢種特色，所以特登慕名而來。（中環茶記）就係 呢種老香港嘅裝修特色，提供餐飲服務，等香港人同埋外國人都感受得到六七十年代香港嘅輝煌時候嘅生活縮影。用上細細格方形磚鋪地下，相當古早風。美國西冷牛扒配蒜蓉汁五成熟，牛扒份量夠曬大，雖然筋位較多，但肉質好遠林，雖然塊扒好厚，但係食落都唔會嚡口。薯菜相當出色，不是急凍貨，薯條有薯香，爽脆。烤豬扒拼鰻魚，呢種配搭非常特別，原條鰻魚夠曬高貴，汁夠甜香，成份扒都係百幾蚊，抵食！懷舊雪兔，特別，我都係第一次見，類似雜果賓治嘅ingredient，面頭舖上棉花糖，甜甜地，幾得意。芝士焗肉醬意大利粉，芝士夠香口，意粉有口感。