越一越南牛肉粉專門店 (Closed)

天氣開始轉，胃口都跟住轉，想食啲清淡啲，就會諗起越南野食。依間有聽朋友講食過黃大仙分店味道都唔錯，見到荃灣都有分店，收工就去試下。見餐牌有套餐，配搭都唔錯，揀左個牛油雞翼二人餐，可以揀兩個湯粉，再揀一個小食，每個套餐都配多一碟菜或蘿蔔同一人一杯飲品。我地要左生牛肉湯河同牛坑腩片湯河，小食係豬頸肉米紙卷。湯河黎到夠晒熱，湯頭清甜可口，生牛肉厚薄岩岩好，浸一浸就熟，嫩滑有牛味。牛坑腩夠稔得黎又有口感，而且咬落唔會黐牙。米紙卷係豬頸肉，好大卷裡面有檬粉青瓜同蘿蔔嘅泡菜，唔點汁都食到酸酸甜甜，點埋汁會夠味好多，清爽開胃。其實主角係牛油雞翼，上台就聞到好香，連埋炸蒜一齊食，好香口好野味，熱氣都要食，雞翼迷一定要食。最後飲返杯三色冰，椰奶味香，三色冰分量都幾多，依個二人餐嘅好處係小食幾多，份量岩晒女仔，仲有碟菜送，全套齊晒。位置又近地鐵站同巴士站，諗唔到食咩嘅朋友仔可以去試下。