Kura Teppanyaki & Sake Bar (Closed)

呢間日式餐廳主打剌身同埋鐵板燒，佢有啲吧檯既位置，可以比客人睇住師傅整鐵板燒，亦可以同師傅交流，感覺好chill。刺身方面，我地點左拖羅、海膽膽埋真鯛。拖羅好厚身，食落去feel到好新鮮，亦都好肥美。海膽好濃郁，口感creamy，入口即化。真鯛就整成玫瑰花狀，好精緻。鐵板燒方面，點左法國羊肉香腸、大蔥炒日本雞腎、日本舞茸。羊肉腸幾特別，平時好少食，一啖咬落去，勁多汁啊，好juicy。另外仲點左海膽醬焗龍蝦，龍蝦炒過之後再加入海膽醬去焗，口感彈牙。主食西班牙紅蝦拌稻庭烏冬，呢個fusion菜整得好高質。