御品千の味刺身壽司專門店 (海寶花園) (Closed)

今餐外賣食得開心啲🥰就叫自己喜歡食嘅魚生飯同壽司🍣先！御品千之味算係性價比高嘅日式餐廳😍因為都係大大份，而且質素好👍🏻✪ 迷你角切魚生飯 ⌫💲118迷你套餐跟配刺身同火灸壽司5件～一個價錢有三種享受，真係超價～而且份量好多，食到好飽！刺身有牡丹蝦、帶子、北寄貝、三文魚，全部都有油光，好新鮮。火灸壽司好香。角切魚生飯加咗青瓜同蟹籽，口感層次好豐富。✪ 照燒雞扒飯定食 ⌫ 💲73雞扒大大塊，薄薄地，唔會太多脂肪，肉質好滑嫩！照燒細汁好香，雞扒有微微焦香。定食包埋沙律同前菜味付螺肉。好豐富。✪ 壽司餐 ⌫ 💲103共有十件壽司，包括有三文魚、鰻魚、蟹籽、熟蝦、吞拿魚、牡丹蝦、玉子等。牡丹蝦肉質紮實鮮嫩。蟹籽食落脆卜卜。【御品千の味刺身壽司專門店】📌 #大埔安慈路1號海寶花園地下15號舖