北海道牧場餐廳 (Closed)

今日晏晝係尖沙咀搵地方食晏，俾我見到佢早餐去到12點，即刻入去食。(因為今日好想食早餐，但又就快12點，好多地方都無晒早餐) 所以我幾欣賞早餐可以去到12點既餐廳既，哈哈！入到去叫左個北海道早餐。有炒蛋，火腿通粉，兩塊多士同一杯野飲。味道方面我覺得幾多食，個炒蛋有奶味好好味，多士好厚，將d 蛋同火腿放落去一齊食好好食啊！不過炒蛋我食食下食到蛋殼，不唔係好大塊既，可以接受。另外，店員都好有禮貌。食物份量我覺得算幾多，呢個早餐都幾豐富幾飽，如果中意奶既應該幾中意食佢個炒蛋。店舖又唔算多人，坐得幾舒服。一份早餐$32，價錢合理。下次會再去試其他野。