Sweetology (Closed)

約左朋友早餐傾下計，想搵間坐得舒服啲嘅餐廳，黎到葵芳，見到門口個餐牌好似好多野食咁，餐廳環境唔錯，價錢相宜就坐低左。先講餐廳環境，雖然店鋪唔算好大間，但以白色為主，簡潔明亮，再加梳化位少少花槽點綴下，幾舒服清新入正題啦！望一望個餐牌，都幾多選擇，最平$26都有交易。除左主餐外，如果唔夠喉，仲可以另加通粉煎蛋薯餅等配菜岩晒我呢啲乜都想食，但又食唔晒幾個餐嘅人！今日我就叫左兩個餐同朋友SHARE黎食。我發現好耐無食過一丁，突然好想食，所以唔駛諗，就叫一個一丁餐！睇完一輪，發覺個醒神早餐同港式早餐基本上完全一樣，只係一個係午餐肉，一個係火腿，但前者$29 後者$36,咁梗係食餐肉蛋一丁啦！黎到咪就係傳統早餐餐肉煎蛋一丁，好難唔好味仲配埋多士！多士係健康之選，因為採用了麥包加送餐茶一杯，抵呀！另外，我地仲叫左個BK18, 有炒滑蛋，煙肉，茄汁焗豆＋多士，味道都OK呀！ 全部大路野，反而塊煙肉我覺得一般，如果可以煎香多少少就正啦！ 貪心的我仲叫左碟炒雜菇，黎到都幾大碟喎！加$8有呢個份量真心覺得抵！夠晒大份，完全滿足到我想食炒雜菇嘅胃口！！！盛讚！！！餐飲今日無晒果汁，唯有飲返普通咖啡茶總括今日