星怡 (Closed)

星期五同舊同事慶祝生日，我揀左同佢食星馬菜。柚子沙律柚子幾juicy，沙律菜爽脆得黎唔苦，味道都幾辣下。南洋班蘭咖央多士鬆脆既多士夾住厚牛油，好驚喜牛油好滑身，口感有啲似食緊雪糕，絕對係邪惡之選。串燒 (3串)豬、雞、牛各一串，配以沙嗲醬，夠惹味。新加坡海南雞飯油飯偏腍，海南雞好嫩滑，啖啖肉，正。 特級北海道帶子鮮蝦喇沙麵味道微辣，帶子好大粒又彈牙，鮮蝦都有好多隻，麵條亦好滑身又掛湯汁，唔怪之得有三個手指公。