花火洋食 (Closed)

係屯門高爾夫球中心⛳️內嘅西餐廳，唔係去打golf 可能都無特別留意，見餐牌嘅價錢都幾合理，今次就專登去試下佢嘅🌟晚市2人餐 $338 👇🏻🥣是日餐湯：今日係紅蘿蔔湯，帶天然甜味，有些紅蘿蔔碎，增添口感，清新嘅味道。🥗是日頭盤：本身以為係普通沙律，上碟時賣相有驚喜。帶子裙邊冷盤，好爽口，調味剛好。🍝煙燻三文魚配日式芥末忌廉汁野菌意粉：份量不少，口感creamy，菇幾爽口。忌廉汁加上芥末有少少辣，個組口幾特別，估唔到幾夾喎😝🍗法式寶雲酥焗羊架 配薄荷醬：羊架外層香脆，肉質綿密嫩滑，香料夠惹味又唔會過濃，好食。紅菜頭醬偏甜，相對另一種醬汁啱口味好多。羽衣甘藍帶苦味，薯蓉偏乾身，依兩樣改善下就更好。☕️玫瑰鮮奶咖啡：靚靚拉花加上面層嘅玫瑰花，好夢幻。飲嘅時候聞到撲鼻玫瑰花香，奶泡細滑。咖啡本身嘅玫瑰味就唔太明顯。🍹特飲：玫瑰蘋果冰茶：建議攪拌均勻先好飲。淡淡嘅蘋果玫瑰，唔算明顯，甜甜地，清新又冰涼，茶底清香。🍰自選甜品：揀左木糠蛋糕同曲奇蛋糕，整體唔算好甜，食到甜品真係幾飽，好豐富嘅一餐。