福門海鮮菜館 (Closed)

平時食海鮮都係去三聖或者流浮山，一來住得近，二來算係比較扺食同有質素，但坐得比較逼同限時。今次同九龍朋友食飯包左一圍12位，仲有得包埋房，坐得舒服，食物好味，又唔貴。我地之前訂左個餐：冰鎮鮑魚、長腳蟹兩味、蒸魚、豉油皇蝦、炒花甲、燒鵝、上湯西洋菜、啫啫芥蘭。全部餸都好味，食到飽晒，冰鎮鮑魚即係醉鮑魚，蟹蓋蒸蛋白超鮮甜。最正係免開瓶費，可以自己帶酒黎慢慢飲。但比起一般酒樓早關門（大概十點已經執晒枱）埋單$6580！