人和月雞煲火鍋店 (Closed)

之前來過食午餐覺得好滿意，今晚同朋友再來食晚飯🥰我地揀左C餐，澳洲M4和牛海鮮大滿貫，兩個女仔已經好夠食😍麻辣雞煲先上頭盤，作為雞煲fans一定係揀麻辣雞煲 🤣小辣小麻剛剛好，惹味得來又冇搶走雞既鮮味，雞件亦好滑☺️鮮茄粟米甘荀濃湯之後就打邊爐啦，同出面火鍋店唔同，唔係加湯㗎！係真係成煲換過😍今次試下唔辣既湯底，襯未落食材前飲左一啖，好濃好甜，足料👍海鮮拼盤有元貝、鮑魚、海蝦、青口等等。全部都超級新鮮，好正🥳美國牛肉大滿貫真係大滿貫，好多款牛😂😂特別推介當然係澳洲M4和牛啦，入口即溶☺️另外，仲有超級多食物飲品任飲任食，多選擇到冇可能食得晒😂😂