水門雞飯 (汀角路) (Closed)

今晚喺太和食咗一餐好豐富嘅泰式晚餐。水門雞飯原來除咗海南雞飯之外，其他菜式都非常出色！睇睇Menu，有個二人自選套餐幾抵食，仲要好多想食嘅嘢都有得揀。最後我哋點咗呢個二人餐，再加一個泰式炆雞腳。香茅特飲蘋果雪梨水🍎泰式炆雞腳泰式滷水雞腳，非常入味！🦐鳳尾蝦炒金邊粉一向都好鍾意食泰式炒金邊粉，嗰種獨特嘅酸酸甜甜泰式味道，I love it 🍍菠蘿燒雞炒飯炒飯好豐富，平時喺出面食菠蘿炒飯，價錢一般都好貴，今次套餐只係加$10就可以點呢個飯，非常抵食🖤胡椒單骨雞翼雞翼炸得好香口，一定要趁熱食泰式炒通菜通菜非常出色，口感好爽脆，一啲都唔老，非常新鮮。乾蔥辣椒🌶️魚露等等嘅泰式配料同調味料，令成個菜式非常惹味🥭芒果糯米飯個糯米飯係熱辣辣嘅，拌上椰漿，香甜美味。芒果亦非常鮮甜。