Video
Read full review
2023-08-23
6479 views
「家嫂」最出名就梗係佢架刺身船，我地成班同事今晚一行12人就去咗佐敦家嫂一家大小打邊爐，一去到店員先先上小食，之後就食刺身船，再食追加嘅象拔蚌刺身，跟住就雞煲，打邊爐湯底我地揀咗冬瓜盅，湯底鮮甜，我地個個都飲咗碗湯先開始打邊爐，火鍋海鮮仲要係無限refill，白酒紅酒sake都係任飲，雖然比之前加咗價，不過以佢嘅質素都係抵食嘅😌小食蝦多士、螺肉、牛肚、花甲、炸茄子、紅糖糍粑所有小食都可以無限追加，蝦多士炸得金黃酥脆，上面加上沙律醬同黑松露更加能突顯佢嘅香味。螺肉係最受歡迎，encore咗三次😂QQ彈彈嘅螺肉沙律菜加上芝麻醬，真係令人食唔停口，個人覺得炸茄子最好食，外面香脆內裡軟稔，再加上芝麻醬，芝麻醬配搭任何香口嘅食物都係冇得輸🤭刺身船成張枱咁大嘅刺身船，有鮑魚、海膽、三文魚、凍蟹、北寄貝、帶子等等，全部都好新鮮，最適合用黎打卡😆象拔蚌刺身只需$268/條，冰、爽、脆、新鮮，雖然唔算得上好大條，我地12人食每人都食到幾片，早知就加多條😆雞煲我覺得雞煲就真係麻麻地，啲醬汁一啲都唔夠味，雞又唔入味，開頭以為係因為點咗小辣嘅原故，之後加雞就加咗中辣，一樣冇分別，雞煲可以skip唔食，留返個肚
小食
蝦多士、螺肉、牛肚、花甲、炸茄子、紅糖糍粑
所有小食都可以無限追加，蝦多士炸得金黃酥脆，上面加上沙律醬同黑松露更加能突顯佢嘅香味。螺肉係最受歡迎，encore咗三次😂QQ彈彈嘅螺肉沙律菜加上芝麻醬，真係令人食唔停口，個人覺得炸茄子最好食，外面香脆內裡軟稔，再加上芝麻醬，芝麻醬配搭任何香口嘅食物都係冇得輸🤭
刺身船
成張枱咁大嘅刺身船，有鮑魚、海膽、三文魚、凍蟹、北寄貝、帶子等等，全部都好新鮮，最適合用黎打卡😆
象拔蚌刺身
只需$268/條，冰、爽、脆、新鮮，雖然唔算得上好大條，我地12人食每人都食到幾片，早知就加多條😆
雞煲
我覺得雞煲就真係麻麻地，啲醬汁一啲都唔夠味，雞又唔入味，開頭以為係因為點咗小辣嘅原故，之後加雞就加咗中辣，一樣冇分別，雞煲可以skip唔食，留返個肚因為之後嘅海鮮全部都好正😋
火鍋
店員會上一大盤海鮮、牛肉、豬肉、手打丸、水餃、腐竹、蔬菜籃，以任食黎講牛肉質素算不錯，有牛味多肉汁。
啲海鮮真係超級新鮮，鮑魚、蟶子、蟹、花甲、魷魚、鱔、生蠔、貴妃蚌、珊瑚蚌，全部都可以無限追加，鮑魚上枱時仲識郁架，最好食嘅係蟹同貴妃蚌，蟹肉味道鮮甜仲帶有蟹膏，貴妃蚌大大隻，冇沙，最後飲返碗湯，啲湯先係精華，勁鮮甜，再淥個烏冬，好滿足嘅一餐👍🏻
📍家嫂一家大小 (佐敦)
佐敦彌敦道223號盛樂中心M樓
人均消費：$400-500
食物：⭐️⭐️⭐️⭐️⭐️
環境：⭐️⭐️⭐️⭐️
回頭率：⭐️⭐️⭐️⭐⭐
Post
