倫哥尊尚火鍋私房菜 (Closed)

同朋友敘舊，搵咗一間可以坐得耐嘅。這間不限時放題真係可以慢慢食慢慢嘆。首先食咗雞煲，好入味，而且啖啖肉。可惜是雞髀斬件，而不是原隻雞斬件。扣左少許分。蒜蓉蒸三款海鮮，有扇貝、鮑魚及北寄貝，味道鮮甜， 最鍾意佢中間放咗一堆粉絲，加埋蒜蓉是絕配。另外送咗一盤刺身不過不失。意外驚喜嘅就係四個人送咗雞湯底，味道鮮甜，湯底好濃，入邊仲有花膠。另外加再配多一樽雞湯底，用來refill 火鍋湯底燉淆咗好耐，所有精華喺晒湯底之中，就算唔想飲湯嘅朋友，試都一啖都大讚好飲。不過第二回已經只能夠添加豬骨湯底。任食牛肩頸肉，質素高，而且每次order都係有誠意。淨食呢個部位都夠。每位送了一杯雪糕，不過味道比我想像中麻麻，所以食了兩啖就冇特別再食。留返個肚食多二件牛。全場爆滿，座無虛席。星期埋買單三百幾元，可以坐足幾個鐘不受限時影響，其實真係一個啱晒一班朋友又食又飲酒好地方。