牛車水餐廳 (西九龍中心) (Closed)

果一晚臨時同人食飯, 西九龍多野食, 但又唔想食得太貴。 本身想食吉野家, 不過太多人啦, 於是就去左對面呢間牛車水, 見有電視睇又唔駛等位, 就試下。入到去揀個對住電視機既位置, 跟住點左個雙拼餐, 我自己就叫左個雞排+青口 飯, 要左杯熱杏仁霜。野食一到, 我 哇 左聲。 因為本身我又唔係肚餓, 見到碟野有雞排兩塊, 又有薯條, 仲有湯, 另上一碟飯。坦白講, 作為一個女仔, 作為一個比一般女仔大食少少既女仔, 我食唔哂-口-個湯係紅湯, 比較水水地, 淡淡地。 個汁好濃, 都算SALTY。 青口幾好, 不過都好似SALTY左少少。杯杏霜 都水左D, 好淡。 (我不嬲去餐廳飲野, 就算有 0水我都唔會落糖)整體黎講野食OK, 份量算多。價錢視乎你叫既係雞排定牛排定肉眼排定豬手。 我雞排好似七十幾蚊左右。