La Kaffa (Closed)

重遊舊地，好耐冇踏足過第一城啦，今日返舊校探老師，順便去第一城搵食，第一城其實好多餐廳，今日我去左La Kaffa 食，因為我見餐牌勁多選擇。餐牌有鐵板餐、咖喱、意大利粉、小食、沙律、漢堡、牛角酥、好多配搭的全日早餐，款式種類多。全日早餐E1超級豐富，有特濃班尼迪蛋、法蘭克福腸、紐倫堡腸、牛仔腸、辣肉腸、脆香煙肉、脆薯餅、甜粟米、炒蘑菇、沙律、厚多士。特濃班尼迪蛋水波蛋夠流心，加上上面的荷蘭醬，味道剛好，又不會太酸，另外炒蘑菇加了黑椒，菇味更提升，薯餅炸得香脆，腸仔每款都有一條，食晒成碟非常飽肚芝士薯角薯角炸得金黃香脆，芝士控既我，如果芝士再多一點會更好。荔枝紅茶好大杯，荔枝味好突出