太興 (Closed)

太興平時都好少食，今次嚟到晚餐時段想試吓啲新嘢，於是就試太興了。通常俾人嘅感覺都係要食叉燒或者燒味飯，但係今次就想試吓佢哋嘅小菜。叫咗一個只係$58嘅德國豬手，仲有魚香茄子煲，咕嚕肉，覺得要食依類小菜先可以試到佢哋嘅真功夫。咕嚕肉方面，佢哋係切做一條條嘅形狀，酸甜味十足，只係略嫌份量較少。魚香茄子煲好正，有鹹魚嘅鹹香味，而且熱辣辣，仲有唔少配料，好似榨菜等等。佢哋嘅德國豬手真係好大隻，兩個人食要兩碗白飯都夠晒了！