Park café

做運動系為咗食更多嘅嘢，成日在尖東做運動都途經百樂酒店，近期見佢哋推出咗「日和·融美」海鮮自助晚餐，價錢同質素都幾吸引架！呢個新主題系以日式fusion 菜為主嘅海鮮buffet,於網上預訂自助晚餐，更可享「買一送一」優惠!環境高檔，座位之間有距離感，燈光柔和非常舒適。海鮮種類多又新鮮，有麵包蟹、長腳蟹、大蝦、蜆仔同埋海螺，每位賓客可獲贈日式明太子照燒珍寶元貝乙客。中西日式嘅菜式應有盡有，其中推出嘅特色菜式主要有和牛漢堡、黑松露帶子茶碗蒸、日式酥皮海鮮批、清酒煮文蛤、明太子海膽醬烏冬、酥皮龍蝦湯、豬腳薑、麵包蟹蟹腳海鮮冷盤…仲有北京填鴨、燒肉同百樂叉燒，肉質軟冧多汁，比目魚非常高質。甜品部分都相當豐富，有即場整嘅焦糖泡芙雪山、仲有燕窩葡撻同楊枝甘露、差唔多十款瑞士MÖVENPICK雪糕同埋無限供應果汁和啤酒。佢哋仲有生日優惠：每四位或以上惠顧自助晚餐，一位當月的生日之星可免費享用一次，同行賓客可享85折優惠最抵讚嘅係，星期一至四65歲或以上嘅長者可以享受65折優惠，呢個優惠真係超值，等啲老友記都可以食到高質素嘅自助餐。