風月堂 (Closed)

難得放假，同男友本來諗住去佑靈堂隔離間cafe食，點知聖誕期間唔營業，行行下見附近風月堂門面感覺唔錯，就入左去食lunch。個陣未到十二點，餐廳冇咩人。可能未係好繁忙，侍應姨姨都好有笑容咁招呼我地。佢地lunch set 大約有五六款，價錢大約是$7X至接近$90，包沙律或餐湯、主菜、飲品及甜品。我地選了沙律，是芒果大蝦伴蜜糖芥末醬，醬汁不是太多。芒果唔多，頗酸，不過都幾開胃。大蝦有兩隻，大小算是比想像好。我主菜選了燒春雞豬肉腸配飯（亦可配意粉薯菜）。我鍾意佢的燒春雞己經起了骨，吃起來很方便。另外我覺得佢的燒汁味道調配得不錯，不會太鹹。男友則點了煙三文魚天使麵，麵裡還有蘑菇和蜆肉。天使麵挺乾身爽口。飲品方面叫了雜果賓治和凍咖啡。雜果賓治幾足料，有西柚肉。凍咖啡糖和奶自然是分開上畀客人自己落。不過我地發現佢地的畀客人的糖漿和奶分量好適中，就算客人落哂都唔會太甜，咖啡的香，牛奶的滑和糖的甜都出到黎。至於甜品是窩夫伴雪糕，我覺得比一般lunch set 甜品的分量多和有誠意。佢都有幾多雪糕味道揀，我地揀了朱古力和芒果。窩夫整得幾香脆。可惜個人認為芒果味雪糕冇咩芒果味（人工個種芒果味都冇乜），