石之牛石板日式料理 (Closed)

自己的肉自己煎系列🤘🏻都好耐無食過石板牛啦! 因為之前食既經驗多數都勁彈油又大陣油煙味，無話特別想再食。今次哩間係係深水埗買完野經過見到，見新開無耐而且店面幾大，目測唔迫狹亦無煙霧彌漫，就入去過下癮啦🍽️哩間硬件係唔錯，有圍裙，有自助區可以任添沙律，醬汁，珍珠米飯同埋湯。重點係佢個自助區乾淨衛生，沙律菜都包裝好一盒盒🥗中意佢仲有蘋果醋for沙律，清新開胃岩我口味🤘🏻羅宋湯煲得好飲夠濃夠酸味，內有牛腩同蔬菜料係入面。扒我地揀左西冷同埋肉眼，百零蚊塊扒，有牛味而且份量足，兩塊都係有少少脂肪係邊位，煎起上黎夠哂香，仲有埋薯條任添! 真係豐富又抵食👍🏻仲有食完都無成身油煙味，讚👍🏻