金撈老鴨湯刺身火鍋專門店 (Closed)

今晚係我地第二次嚟，好多人，今晚嘅美食如下，象拔蚝刺身，大大碟，爽口彈牙，活石蚌刺身，鮮甜美味，仲有油甘魚刺身，呢個就一般，其餘嘅有紫淮山，上次嚟嘅時候已經好想食，不過上次賣哂，今次終於食到，美美的，唔可以烚太耐，太耐會粉，幾分鐘就已經可以，爽口的，萵筍，我最愛，不得不提個鹿兒島黑豚肉，上枱嘅時候紋理好似Parma ham ,食落好濃嘅豬味，好食，仲有牛頸脊，我就唔吃牛嘅，朋友就話唔會唔好食囉😆仲有鵝腸頭，皇帝菜⋯⋯好值得去試下，漏咗個最重要嘅！花膠扒濃雞湯底，不得了，不得了，不得了，亮點係個花膠，係個花膠扒！未食過咁大塊，正！不過下次要多啲人，今晚兩個人食，好飽好滿足！