Chef's Stage Kitchen (愉景新城) (Closed)

好耐都冇去過荃灣嘅愉景新城商場，今日去附近探朋友又在依邊行街，午餐嘅時候嚟咗依間店食。我哋大約12點左右嚟到，間店好似都係12點開門，我哋好早就入咗去食lunch。點知只有十幾分鐘嘅時間，就越來越多人入嚟，上OpenRice先見到原來依間店都有好多好評。應該係出名好食嘅所以午膳時間都坐滿客人。我哋叫咗兩個set lunch首先嚟嘅餐湯同埋沙律已經好好食！南瓜湯好重南瓜嘅香味，牛角包都好鬆化。沙律好清新，特別鍾意佢加咗酸酸甜甜又爽口嘅青蘋果肉眼扒有炭烤嘅香味，亦都夠林。扁意粉林度適中，車厘茄、羅勒葉、番茄醬嘅配合都好夾。虎蝦都煎得好香，同蕃茄汁一齊食好好味。番石榴果汁感覺好清新好濃郁。榛子朱古力好濃郁幼滑。跟餐配甜品有優惠。黑白朱古力蛋糕味道濃郁，配合果仁更有唔同嘅口感。Tiramisu好有甜酒香味，咖啡味也好濃，非常鍾意！埋單嘅時候店員攞張單黎亦都好有創意，有個小pan加隻玩具雞蛋連同張單，好得意，哈哈！今餐好滿足好開心，下次會再多嚟幫襯！