羅麥記 (東薈城名店倉)

Open Now

Now Closed

行過見到呢間餐廳，屋企人見到話想食，懷舊冰室咁都幾多野食可以選擇。我地叫左2個小食加個鐵板同飯。芝士芫茜蝦春卷，春卷十分香脆，流心既芝士配上大大隻既蝦，芫茜味相對比較淡左少少。炸魷魚圈，炸得好乾身，魷魚圈比較幼身，勝在好易咬。羅麥炒飯，飯粒甘香唔會太乾身，大碟又好足料，有豬肉碎再加d魚乾仔，都幾好食。雜扒餐仲有埋餐湯，呢個非常大份，3塊扒都好大塊，豬扒好夠軟腍，介左邊既司華力腸，仲有薯角都十分滋味。仲叫左兩杯野飲生薑蜂蜜水,薑味好濃又唔會太辣，蜂蜜檸檬紅茶，蜂蜜另上比客人自己加。整體覺得呢間餐廳好有港式舊冰室既味道，份量又足，相信以上份量3個人黎食都好夠飽。