濟州燒肉食堂

Open Now

Now Closed

坐低後店員好主動幫忙加粟米芝士和蛋汁，仲有一d小碟前菜，生菜和前菜係可以無限添加。order左既所有食物到齊，咁豐富當然影返張全家福。豪快和牛燒，醬油味濃郁，牛肉結實，而且肉味亦較重，有兩大塊，剪開一口一片較方便食。特選黑毛和牛上貝身肉，淨係睇賣相都見到好多油花，肉質呈鮮嫩粉紅，燒熟後入口有即溶口感，另外個人喜好都鐘意用生菜包住肉黎食，必加少許韓式辣醬和泡菜，生菜都一停refill左幾次。濟州豬梅肉，絕對係抵食飽肚之選，有兩大塊，而且仲要厚切，肉質都有咬口，唔使驚煮熟後會韌。醬油豬腸，目測內藏清潔得衞生乾淨，而經過燒煮後，豬腸外層脆口，內裏仲軟綿綿，口感豐富。食堂蘋果梨汁雞肉，雞肉脹卜卜有肉地，店鋪已經細心去除雞骨，雞肉有肉汁食落幾嫩滑。粟米芝士和蛋汁一樣都可以無限任加，芝士的一邊實在太好味，我都不知加左幾多次，芝士熱熱地溶溶地咁，好正。牛肋骨煲，我數過有4件牛肋骨，而且每件都非常厚身大件，簡直係啖啖肉，而且炆煮得好腍，味道方面仲帶有少少辣，都幾惹味。