日日香鵝肉飯店 (黃埔新邨) (Closed)

放大假繼續周圍搵嘢食， 約咗隊友 happy friday 一齊打羽毛球， 當然要食飽飽先有力氣啦。 黃埔有間好出名嘅 鹵水鵝店， 一直都未有機會試下， 難得今日嚟到黃埔， 一定要試試這裏的名物。六點半到達餐廳， 座位鬆動， 看看餐牌 有十分多選擇， 選擇兩個晚市套餐， 鹵水鵝片湯瀬粉 、 鹵水鵝肉 豬手飯 、鵝油炒菜心。鹵水鵝片湯瀨粉鵝片份量不少， 厚薄適中多汁柔潤， 肉質彈牙 鹵水汁入味， 甚有驚喜的是， 配料甚為豐富， 鹹酸菜爽口 微辣酸甜度適中， 還有 肉丸 和滷水豆腐卜。 瀨粉夠爽口， 如果可以用粗身瀨粉就會更加美味。鹵水鵝肉豬手飯相對於鵝片， 鵝肉油脂較豐盛， 鵝油味道較濃。 以為係鹵水豬手,原來係煙燻豬手， 鹹香味道 啱啱好， 豬皮夠彈牙。最重要係 白飯質地唔錯， 煙煙靭靭 拍得住金鳳米。鵝油炒菜心看似普通嘅一個餸菜， 要夠鑊氣先會好食， 菜心 夠爽脆淋甜， 加咗鵝油嘅菜心 油潤有光澤。意外地發現，餐廳好多街坊買外賣， 用餐期間，已經見到 二三十人來買 鹵水食品。 原來外賣 鹵水食品有折扣， 難怪 咁多街坊支持。