Video
Read full review
2018-10-03
955 views
無事常相見，同朋友之間嘅關係正是如此，畢竟感情要靠時間士經營、維持。國慶連假過後，一行四人黎到大角咀用膳，選擇比較穩陣嘅中菜，利寶閣位於奧海城二期，位置方便我地，加上平日晚上經過都唔會見到好多人，所以無特別訂位。酒樓面積都幾大，平日晚市人流唔多，主要係住附近嘅街坊，同埋聽得出係遊客。變相用餐時間好鬆動，慢慢坐慢慢傾。餐牌其實都係以中菜為主，豐儉由人，海鮮、鮑魚，一般小菜都有。我地點左個四人套餐再加個谷飼豚肉叉燒配原盅佛跳牆，足夠有餘，人均消費約二百五蚊，都非常豐富。茶位 $15/位；酸菜 $20谷飼豚肉叉燒飯配原盅佛跳牆 $188晚市雙拼優惠嘅黯然銷魂飯，實質即是叉燒煎蛋飯，多得食神，將呢碗飯冠以一個咁深入民心嘅名字。叉燒飯上枱賣相吸引，叉燒好似梅頭咁免切上枱，肥瘦半半，口感嫩腍，邊位香口，加上少少蜜汁味，確實不俗，太陽蛋流心，撈飯一流，唯午市價錢更抵食。孖寶形式配佛跳牆，鐘意燉湯嘅朋友應該都會鐘意，裡面幾足料，除左雞腳，仲有花膠、海參、瑤柱、菇等，味道濃郁滋補。豐料燉湯海鮮餐 $688/4位 (星期一至五)點選四人套餐，包括：湯羹、海鮮、小菜三款，份量足夠，即使再額外加野都唔會好貴。
餐牌其實都係以中菜為主，豐儉由人，海鮮、鮑魚，一般小菜都有。我地點左個四人套餐再加個谷飼豚肉叉燒配原盅佛跳牆，足夠有餘，人均消費約二百五蚊，都非常豐富。
茶位 $15/位；酸菜 $20
谷飼豚肉叉燒飯配原盅佛跳牆 $188晚市雙拼優惠嘅黯然銷魂飯，實質即是叉燒煎蛋飯，多得食神，將呢碗飯冠以一個咁深入民心嘅名字。叉燒飯上枱賣相吸引，叉燒好似梅頭咁免切上枱，肥瘦半半，口感嫩腍，邊位香口，加上少少蜜汁味，確實不俗，太陽蛋流心，撈飯一流，唯午市價錢更抵食。
孖寶形式配佛跳牆，鐘意燉湯嘅朋友應該都會鐘意，裡面幾足料，除左雞腳，仲有花膠、海參、瑤柱、菇等，味道濃郁滋補。
豐料燉湯海鮮餐 $688/4位 (星期一至五)點選四人套餐，包括：湯羹、海鮮、小菜三款，份量足夠，即使再額外加野都唔會好貴。湯羹三選一，我地揀左豐料滋補燉湯，由於我係好鐘意湯水，一盅佛跳牆又點夠，所以揀左燉湯，店員好快手幫我地分裝，再夾起湯渣。湯底清潤無味精感，連同湯渣加豉油，我地都食哂。
海鮮三選一，分別有龍蝦伊麵、蒸魚或鮑魚，我地揀左龍蝦伊麵，感覺上有個麵會飽肚啲。伊麵上枱都幾吸引，龍蝦已經分體，一隻份量，雖然唔係話好大隻，但肉質爽彈，都係新鮮貨伊麵份量適中，沾上芝士醬汁，掛汁度高，略嫌煮得比較腍身。
至於小菜，可以從超過15款中揀3款，彈性夠高，有菜有肉，我地揀左宮保炒蝦仁、瑤柱什菜煲、美味欖角骨，整體都幾有水準，雖然唔係好夠熱辣辣嘅感覺。宮保蝦仁值得一讚，啲蝦仁大粒又爽口，好滿足；至於瑤柱什菜煲都係穩陣之選，上湯唔會好鹹，單吃都可以；最後欖角骨幾特別，外皮炸過，沾左蜜糖、黑椒咁，食落甜甜地，好開胃
最後店員送上甜品，分別有紅豆沙、椰汁十勝紅豆糕，前者味道比較清淡，唔會好甜，爭咁啲果皮香；反而對椰汁紅豆糕印象唔錯，椰汁部份好香，甜度適中，紅豆大粒之餘，保留粒粒口感
Post
