十三少 (Closed)

*此餐廳收取加一服務費。滋味二人套餐（單點$338），主菜可以選擇十三少酸菜魚或水煮魚，酸菜魚份量多，最好先嚐湯底，湯底味道酸辣，飲落好惹味；魚肉肉質嫩滑、無骨，味道鮮甜，食落啖啖肉；內有大量菇菌、窩筍、酸菜、白蘿蔔、辣椒、花椒、芝麻。小菜（跟餐$0），川式口水雞/麻辣滷豬手/乾煸四季豆/麻婆豆腐，四選一；川式口水雞表面鋪滿白芝麻，肉質皮滑肉嫩，味道香辣，底層有青瓜，食落好入味，但醬汁比較油膩。涼菜（跟餐$0），椒麻皮蛋/涼拌土豆絲/蒜泥青瓜，三選一；椒麻皮蛋採用黃金皮蛋製作，外層彈牙、內層流心，蛋香味濃，配以蒜頭、尖椒食用，食落好惹味。2碗白飯（跟餐$0），口感軟硬適中，米香味濃。紅糖糍粑（跟餐$28），即叫即炸，口感外香脆內煙韌，配以紅糖漿、黃豆粉食用，味道更佳。