小澤日本料理 (Closed)

落雨天就更加要食好啲！ 今日突然想食日本野，所以book左呢間餐廳。110蚊就可以食到三樣嘢，喺中環算係好難得嘅價錢。雖然每款份量比較細，但因為有三分，食曬之後都會好飽。 我見隔離枱有人嗌咗三碗都係魚生飯添!首先嚟咗個麵豉湯暖下個胃，個湯味道適中，仲有豆腐，一定唔係即沖即飲果種。至於半燒三文魚飯，我冇諗過會有咁多三文魚，魚肉佔咗成半碗， 調味比較重，比我哋平時食嘅三文魚腩鹹少少，送飯一流。另外叫咗個鰻魚青瓜卷，肥美嘅鰻魚同爽脆嘅青瓜，係好完美ge平衡。至於燒鯖魚係切咗頭尾ge，而且冇咩骨，好方便食。如果齋食就鹹咗少少，但送飯係唔錯嘅。最後仲送一球雪糕做甜品。推薦中環返工ge朋友lunch去試下，計返質素同份量好抵食。美中不足ge係佢哋人手不足，繁忙時間樓面得一個人，拎menu、上菜都等左好耐，如果佢哋可以增聘樓面人手就好喇。