銀座神樂屋 (Closed)

灣仔區日本餐廳選擇真係唔多，一係就要行到去合和嗰邊⋯諗起好耐無嚟華美粵海酒店入面間日本餐廳，就立即打去book位。呢間銀座樂神屋set lunch選擇真係好多，價錢由大約$100-$150都有，set lunch已包餐茶同甜品。我自己就order咗牛肉烏冬壽司拼盤定食($110)。一嚟到，真係嘩嘩聲，份量大到，女仔一定食唔晒！烏冬麵質軟滑煙靭彈牙，配以醬油湯底，唔錯，不過牛肉就煮得過熟，而失去口感⋯而壽司用料新鮮，尚算唔錯，但壽司飯略嫌扼得過實⋯最後套餐配以牛乳雪糕同餐茶⋯牛乳雪糕，奶香濃郁，甜而不不膩，好味⋯配上香濃咖啡，令呢餐lunch添上滿足感⋯坦白講，呢度嘅set lunch，無輪以食物、環境同份量嚟講，價錢唔算貴⋯不過呢度人手真係不夠，建議大家真係要俾俾耐性。