Joia

Open Now

Now Closed

在ICC見客之後非常肚餓，順便食埋午餐，下個會幾個鐘頭之後才開，充足時間，拍檔介紹3樓平台的意大利餐廳 Joia，有半自助午餐，環境好坐。去到睇睇，10幾款冷盤及沙律就擺喺對住入口的水吧前，見到已經想食，於是決定坐下來。多款沙律全部都冇加太多忌廉或芝士，味道豐富不膩，合我口味；我亦喜歡簡簡單單生菜加車厘茄自助式的選擇；冷盤有多款火腿及海鮮。最驚喜是有個西班牙式烤豬，皮極脆，五花腩肉，這個直頭是主菜！自助餐包括甜品，我吃了多款水果及朱古力批。只吃自助餐每位收費$348，加主菜每位$368，只多花$20無需考慮。我點了煎豬柳配薯角，啖啖肉；個人認為比同伴點的海鮮意粉抵食，海鮮意粉需加$78，海鮮是剁碎的，不及我的豬柳夠睇頭！包咖啡，這裏的咖啡豆甘味強，適宜加少少糖及奶。高級餐廳的佈置，有露天位，的確是可以傾偈食飯幾個鐘的好地方。