韓珍 (帝國中心) (Closed)

尋晚趁住阿媽放假，就同佢嚟到尖沙咀呢邊食dinner～見到帝國中心呢間韓國菜好似幾吸引，就想來試吓～餐廳主打韓燒，職員大部份都係韓國人，播住K-Pop嘅音樂，設計裝修都好有韓國餐廳嘅感覺八方美人$588一個好豐盛嘅燒肉盛宴，有唔同種類嘅肉，包括牛舌，雪花牛肉，豬頸肉，護心肉，醬蝦，鮑魚等等～仲會有專人幫我哋燒好啲肉，服務好好！前菜有超級多前菜，仲可以任添，包括沙律菜，芽菜，魚片，泡菜等等～幾鍾意魚片，腌得幾香，同埋魚仔脆卜卜，作為配菜幾好味😋牛肉類雪花紋狀嘅牛肉，感覺好新鮮，食落幾Juicy，一咬落去啲肉汁就出晒嚟，好正～豬肉類好大件，好厚身嘅豬肉，半肥瘦，好香，調味好好～肉質幾鬆軟，幾有咬口，食落煙煙韌韌海鮮類好大隻蝦同大大隻鮑魚，職員仲會幫我哋燒蝦燒鮑魚同埋剝殼，服務超級好～蝦好新鮮，鮑魚好彈牙，食得好滋味～人蔘鮑魚雞湯$128好大隻人蔘雞，佢嘅湯熬製得好香好入味，中間仲有糯米～雞肉軟淋淋，啲骨都好軟，人蔘味好濃郁，仲有鮑魚添～仲配左白飯同味噌粉，幾正～