爆丼屋 (Moved) New Location

最近工作好忙，放工都唔想煮飯。今日喺旺角做嘢行過見到呢間爆丼屋，成日都好想食，因為見佢哋個Menu見到好大碗重量級嘅牛肉飯，好似好吸引咁。我同老公一人一個餐，叫咗呢個松葉蟹飯同埋重量級牛肉飯，拎返屋企分享😋因為佢價錢屬於中上價錢，對佢地嘅質數都幾期待，試咗之後，真係值回票價👍松葉蟹好鮮味好鮮甜，而且材料份量好足，完全唔會吝嗇。吞拿魚刺身茸一大份，配埋豉油Wasabi真係好正。另外嗰個牛肉飯，牛肉燒得好軟熟，牛味好香濃，佢哋調配嘅燒汁好香口，一啖一啖咁食唔停口。而且跟飯會有一個海鮮湯，入邊有三文魚，有蝦，好多材料，味道好濃郁，算係好有誠意嘅餐湯。