616燒肉酒場 (Closed)

次次係大圍經過都會見到依間616燒肉酒場好似幾正，見前排涼左少少，又唔想去油尖旺，留返係大圍食烤肉。我地點點左價值$888嘅菊。和牛御宴，套餐包左黑毛和牛肉眼 、澳和肉眼上蓋、黑毛和牛極上牛小排、澳和牛腹肉、黑毛和牛友三角肉、澳和牛肋條、野菜和白飯。食牛肉邊少得醬汁，佢地配左蘋果汁，燒肉汁，岩鹽俾你地沾黎食。我地先食澳和牛腹肉，肉質都幾細嫰，肉味香濃。黑毛和牛極上牛小排油脂分佈得好靚，入口即溶嘅口感，真係不得了，再食啖白飯、杏鮑菇中和佢嘅油膩感。再食肉眼上蓋，油膩分佈平均，油膩感無和牛咁強，但肉質勁嫰滑。黑毛和牛牛肋條燒得一半將佢剪開，再燒到件件外脆內嫰，牛肉味濃郁，也有點嚼勁。黑毛和牛西冷份量十足，我地喜歡比較嫰嘅口感，所以燒到5成熟就剛剛好，食到飽飽。最好黎個柚子雪葩作結尾。