幸匠燒 (新城市廣場一期) (Closed)

幸の晚宴門口打卡位好似令人置身日本一樣，職員話只要消費，就可以寫許願牌。見到二人餐只係$688（foodie會員價），幾豐富，就入咗去食！味醂魚干有咬口，又軟身，美味過癮，最佳餐前小食脆炸白蝦原隻白蝦炸至金黃香脆，可以連埋殼一齊食，十分香口。幸 ・ 廚師沙律沙律有蟹籽同蟹柳，而且日本蕃茄鮮甜清新又開胃。時令刺身三品盛 款款刺身都好新鮮，有北海道帶子 、甜蝦 同中拖羅，拖羅尤其肥美，入口即溶。串燒六品串燒拼盤有菜有肉，即叫即燒，鶏翼、雞腿肉、黑豚肉、牛舌芯、秋葵同蘆筍，塗上秘製醬汁同木魚碎，食落更加惹味。清酒煮蜆蜆肉大粒飽滿，完全冇沙十分乾淨，湯底有淡淡清酒嘅香味。明太子幸福玉子燒玉子燒鬆軟又紮實，除咗表面嘅明太子醬汁之外，切開後仲有流心芝士醬，驚喜十足。一口鰻魚飯。迷你牛肉烏冬主食可以揀鰻魚飯同牛肉烏冬，鰻魚汁濃肉嫩，烏冬煙韌彈牙，而且份量剛好。時令甜品造型精緻嘅和果子，手工一流，一粒係西瓜一粒係茄子，好可愛。