東羅 泰館 (Closed)

餐廳位於商場三樓平台，望出去風景開揚☀️裏面的裝潢同餐具亦具特色，以懷舊磚牆融合金屬風🧱，仲有唔少打卡位。佢地除左提供傳統泰國菜，亦有好多唔少新嘗試，例如意粉、焗飯。我哋揀咗二人套餐，前菜主菜飲品通通都試曬~首先上菜嘅係肉碎冬瓜粉絲湯和冬陰功湯，細細杯但相當足料，冬陰功香料濃味郁好開胃。飲品方面我哋就嗌咗個雪條奶茶🍦雪條奶味重比較甜，可以按自己需要融係茶入面調味。🥗 泰北豬頸肉芒果沙律呢個沙律用青瓜同蘿蔔絲，加上酸醋醬汁爽口開胃，豬頸肉烤得好香而厚實，但整個沙律都食唔出芒果同芒果味，唔知係咪漏左~🥬 香葉肉碎磨菇沙律 配生菜肉碎配上蘑菇粒令到口感更加有咬口，香葉醬汁比較清新冇想像中咁濃味，比較健康輕盈。🐂🍜 燒牛肉。濃汁牛丸船河呢碗船河充滿住牛肉香味，牛肉配搭牛丸呈現不同口感同肉味，湯汁浸滿燒牛肉嘅精華，非常濃郁，但好快就畀啲面索咗，所以要襯早食。🍍🐖🍚 薑黃菠蘿炒飯配手作豬肉串薑黃炒飯配上菠蘿金燦燦咁，配料十足，有肉鬆、菠蘿、提子乾、腰果、紅椒，配上嘅原個菠蘿一樣可以食，壓出來的菠蘿汁浸滿炒飯，更加香甜入口。另外仲可以一次過試埋串燒。東羅泰館 🍚🌶️🍜🥬觀塘協和街33號裕民坊YM² 3樓