Video
Read full review
2015-09-20
1778 views
有次同表姨甥女食開飯，講開英式全日早餐，我話我都少食呀，所以，就搵日一齊去試。結果差啲無咗回事，但總算約得成，俾咗幾間心水店佢哋揀，最後選大坑嘅The Pudding Nouveau，因為少入大坑，可以順道嚟打個轉。年初嘅4月嚟過一次，環境都唔會點變，所以，都唔多講。不過，依然人氣旺盛，早段「飯市」時間都已有7乘滿，臨走時就更多咗人嚟食甜品。餐牌個樣轉咗，印象中，種類、款式應該無咩點變，但就型格咗，深啡底白字，只喺無以前咁多參考圖片。一心一意嚟食英式全日早餐，所以，再加多一客珍寶牛角酥作為正餐主食，點幾杯飲品，最後就甜品作結滿足晒。經典英式早餐 $118大堆頭嘅「全日早餐」，有烘多士、炒蛋、烤蕃茄、沙律菜、煙肉、豬肉腸、炒雜菌及薯餅，份量十足，睇見都開心呀！其實，「全日早餐」嘅食材都可謂平凡之物，但做得有心機都可以變得好唔同，例如蛋炒得嫩滑就已經喺功架嘅問題，沙律菜以油醋調過味，入口又夠冰爽，煙肉選料唔會太多肥膏，又唔會煎到太多油，薯餅亦喺，無話入口油淋淋，而啲雜菌又炒得幾爽口，所以份量、質素都無欺場！珍寶龍蝦仔牛角酥配薯條 $128麵包一向喺小弟至愛食物之一，鬆軟香脆嘅牛角酥就梗喺有
年初嘅4月嚟過一次，環境都唔會點變，所以，都唔多講。不過，依然人氣旺盛，早段「飯市」時間都已有7乘滿，臨走時就更多咗人嚟食甜品。
餐牌個樣轉咗，印象中，種類、款式應該無咩點變，但就型格咗，深啡底白字，只喺無以前咁多參考圖片。一心一意嚟食英式全日早餐，所以，再加多一客珍寶牛角酥作為正餐主食，點幾杯飲品，最後就甜品作結滿足晒。
經典英式早餐 $118大堆頭嘅「全日早餐」，有烘多士、炒蛋、烤蕃茄、沙律菜、煙肉、豬肉腸、炒雜菌及薯餅，份量十足，睇見都開心呀！其實，「全日早餐」嘅食材都可謂平凡之物，但做得有心機都可以變得好唔同，例如蛋炒得嫩滑就已經喺功架嘅問題，沙律菜以油醋調過味，入口又夠冰爽，煙肉選料唔會太多肥膏，又唔會煎到太多油，薯餅亦喺，無話入口油淋淋，而啲雜菌又炒得幾爽口，所以份量、質素都無欺場！
經典英式早餐
$118
74 views
1 likes
0 comments
珍寶龍蝦仔牛角酥配薯條 $128麵包一向喺小弟至愛食物之一，鬆軟香脆嘅牛角酥就梗喺有份，所以，幾款主食中就心儀依個珍寶牛角酥。嘩，個牛角酥真喺好「珍寶」，有成半隻碟大小，又焗得金黃，非常有睇頭，中間夾滿龍蝦仔肉同火箭菜，以自家蛋黃醬調味，食落口感充實，龍蝦仔肉清爽，配合香脆富牛油香嘅牛角酥，令人回味；而伴碟嘅紐紋薯條，炸得香脆少油，唔喺配普普通通嘅茄汁，而喺自家製嘅黑松露蛋黃醬，單喺個醬嘅誠意就值得加分啦。
珍寶龍蝦仔牛角酥配薯條
$128
69 views
1 likes
0 comments
綠茶奶昔 $52（跟主菜價$22）所有「主食」都包一杯啡茶，但加$10可升級其仔特色咖啡，加$22就可轉為奶昔、沙冰或其他特飲。細表姨甥女要咗杯綠茶奶昔，綠茶做咗奶昔後，無想像中咁綠，感覺比較喺悠悠嘅綠，不過，綠茶味卻唔輕，加上多一球綠茶雪糕，攪溶後，成杯奶昔既有牛奶香，又帶點綠茶嘅回甘，平衡得恰到好處，依個就喺轉述番細表姨甥女嘅意見。
綠茶奶昔
$52
44 views
1 likes
0 comments
大表姨甥女就揀咗朱古力奶昔，個奶昔冰凍香滑，甜度適中，朱古力味又濃郁，所以，一切基本嘅都做妥晒，無咩大錯漏，大夏天飲用真喺涼透心。
朱古力奶昔
$52
57 views
1 likes
0 comments
沙冰得兩款：士多啤梨或青蘋果，炎炎夏日寧舍想起酸爽嘅青蘋果香味。青蘋果沙冰估唔到好大杯，青綠色睇見都一身涼晒嘅感覺，入口非常冰凍，店員話用上新鮮青蘋果製作，故此，果味天然，酸香突出，不過，有兩個問題：第一就喺溶得快，用個雞尾酒杯盛載，啲沙冰溶起上嚟溶到瀉，所以，個雞尾酒好睇不中用，改另一款高身杯可減少依個問題；第二就喺沙冰打得唔夠碎，飲飲吓啜唔上，因為仲有啲手指頭大細嘅冰粒，要改善一下。
青蘋果沙冰
$42
69 views
1 likes
0 comments
The Pudding Nouveau嘅甜品一向甚具質素，而表姨甥女佢哋都喺甜品粉絲，所以，「主菜」只點兩客都喺墊一墊肚，免食得太飽。最後，再點多兩客甜品，以滿足嗜甜嘅心態！
法式香草梳乎厘 $88梳乎厘喺最能睇到師傅手勢嘅甜品之一，咪以為打蛋白、撈麵粉就做得成，好唔好真喺講功力。今晚嘅法式香草梳乎厘就足以攞高分，首先，可以焗到個梳乎厘高過個瓷盅成倍有多，足證打蛋白部份做得上乘，而入口輕飄綿柔，底部亦唔會有出水情況；
法式香草梳乎厘
$88
46 views
3 likes
0 comments
烏龍茶法式燉蛋 $78本來打算叫一客窩夫，但大家怕太飽，又見佢依個烏龍茶法式燉蛋新出，當然好想試。法式燉蛋食得多，烏龍茶味絕對喺小弟嘅第一次，初時見賣到$78一客覺得有點貴，不過，試過就覺得抵番晒。首先，以木砧板做盛器之一，襯以新鮮雜莓及雜莓雪糕，賣相已得人歡心；此外，燉蛋份量唔少，唔會細細杯，足夠2-3人分享。
烏龍茶法式燉蛋
$78
47 views
3 likes
0 comments
兩位表姨甥女對今晚所食嘅菜式都好滿意，尤其個龍蝦仔牛角酥、法式香草梳乎厘及烏龍茶法式燉蛋，無不喺高水準之作。小弟就只嫌個青蘋果沙冰做得未合格，其他嘢，就當然喺物有所值啦！
Post
