丼丼屋 (青衣城1) (Closed)

以前喺地牢個層，未試過，依家搬左上二樓，見到menu好似好吸引，今次入去試試。坐位唔算太闊，坐得一般。每個位都可以自助任加水蕃茄豆腐沙律 $25⭐️⭐️⭐️⭐️蕃茄新鮮，豆腐滑滑，醬汁偏酸，都幾開胃既。十勝帶廣名物豚丼-特盛 $108 ⭐️⭐️⭐️見到大大廣告勁想試呢個，有並盛(R)$88同特盛(L)$108，一問之下原來飯既份量一樣，只係特盛會多2塊豚肉。珍珠米唔錯，豚肉好香，可惜比較鞋。如果喜歡食豚丼，一風堂既豚丼細細個d肉嫩仲可以加蒜蓉好味好多。福井蟹丼定食 $198（期間限定）⭐️⭐️⭐️⭐️蟹膏係成個定食既重點，撈完飯已經唔大蟹膏味，如果多d就好啦！蟹肉就應該係雪藏蟹柳，蟹味無乜。隔離有兩枱食吉列豬扒滑蛋好似幾香，同埋有人食燒澳洲和牛定食都好勁咁，隔離飯香，下次試個2個睇下會唔會有唔同評分。