炊豕店 (曉悅) (Closed)

朋友介紹長沙灣有一間豚肉嘅專門店，愛好豚肉既我，當然立即去一探究竟。果然成張餐牌有90%係豚肉菜式，每一樣都非常精美、令我食指大動😆蔥油豬扒飯～呢度嘅主打項目，我當然唔會錯過啦！一嚟到見到蔥油鋪滿整塊巨大豬扒！絕對可以用「衝擊眼球」嚟形容！蔥油包含咗白芝麻同其他調味料完全夠哂味！豬扒亦都係厚切又多汁，絕對唔會乾柴柴！炸漿仲要係超級薄，完全唔會食到一口都係油！沖繩豬軟骨飯～朋友點左呢一個香軟多汁嘅豬軟骨飯，加上蓮藕同白蘿蔔都係非常入味，佢話十分滿足！滷水雞翼～呢度嘅滷水汁係自家製嘅！就算食到幾飽，都要點滷水雞翼嚟食吓😝果然冇令我失望，雞皮依然係清爽，而且滷水嘅味道唔會過於濃味同咸，反而剛剛好！恰到好處！飲品以罐裝/支裝為主，乾淨衛生。