Video
Read full review
2017-04-08
5209 views
身邊有幾位吃貨鍾情象拔蚌，於是我地就安排左今晚呢個象拔蚌之約。上品出名食材新鮮、優質，餐廳乾淨企理、坐得舒服。當然，上述優點亦都反映咗係佢嘅定價上面。今晚我哋坐喺隔離嘅舖位，好似比正店舖位坐得更舒服。睇下個餐牌，定價真係一啲都唔平。好，先來一隻2.8磅嘅象拔蚌。侍應話可以選擇切片狀或條狀，口感唔一樣，咁我哋就揀鴛鴦切啦。象拔蚌一上枱大家即刻心心眼象拔蚌呈淺棕色，帶點光澤，非常之新鮮！師傅應該係將象拔蚌前面吸管部份切左片，蚌身嘅部份就切左條狀。切左片嘅象拔蚌口感非常爽脆，味道鮮甜；而蚌身嘅部份味道就比較濃郁。另外，象拔蚌嘅內臟我哋都冇放過，放入鍋裏面煮十幾秒再食，質感軟淋，味道都唔錯。打邊爐當然唔止食象拔蚌，我哋另外仲叫咗鹹蛋黃炸鮮魷、一個鴛鴦湯底、海鮮拼盤、安格斯肥牛、響鈴、五彩丸、墨魚滑同埋娃娃菜，都幾豐富架。鹹蛋黃炸鮮魷真係超級好味，軟腍嘅鮮魷外層包左厚厚的鹹蛋黃蓉，香濃好味（不過呢啲野膽固醇係頗高嘅，只適宜一件起、兩件止）我哋個鴛鴦鍋係潮式胡椒豬肚鍋拼沙嗲鍋，兩個湯底都幾濃味。呢個響鈴外型飽滿，在湯入面浸三幾秒就食得！呢個海鮮拼盤造型夠晒浮誇，不過海鮮嘅份量就唔算太多。值得一讚嘅
上品出名食材新鮮、優質，餐廳乾淨企理、坐得舒服。當然，上述優點亦都反映咗係佢嘅定價上面。今晚我哋坐喺隔離嘅舖位，好似比正店舖位坐得更舒服。
睇下個餐牌，定價真係一啲都唔平。
好，先來一隻2.8磅嘅象拔蚌。侍應話可以選擇切片狀或條狀，口感唔一樣，咁我哋就揀鴛鴦切啦。
象拔蚌刺身
135 views
0 likes
0 comments
象拔蚌呈淺棕色，帶點光澤，非常之新鮮！
師傅應該係將象拔蚌前面吸管部份切左片，蚌身嘅部份就切左條狀。切左片嘅象拔蚌口感非常爽脆，味道鮮甜；而蚌身嘅部份味道就比較濃郁。另外，象拔蚌嘅內臟我哋都冇放過，放入鍋裏面煮十幾秒再食，質感軟淋，味道都唔錯。
打邊爐當然唔止食象拔蚌，我哋另外仲叫咗鹹蛋黃炸鮮魷、一個鴛鴦湯底、海鮮拼盤、安格斯肥牛、響鈴、五彩丸、墨魚滑同埋娃娃菜，都幾豐富架。
鹹蛋黃鮮魷
$76
100 views
0 likes
0 comments
我哋個鴛鴦鍋係潮式胡椒豬肚鍋拼沙嗲鍋，兩個湯底都幾濃味。
手卷炸腐皮
$62
62 views
0 likes
0 comments
海鮮拼盤
$438
105 views
0 likes
0 comments
咁多樣海鮮最好味係生蠔，新鮮肥美；蟹肉其實都好食，不過就比較麻煩囉
手切安格斯肥牛
$238
75 views
0 likes
0 comments
不過呢碟牛肉已經係大size，要$238， 就唔算係非常抵食。
其他食物都唔錯，不過掛住食有冇影相囉。
我哋仲叫咗兩渣飲品，埋單用咗VIP咭九折之後$22xx，唔算非常抵食但的確係非常好食
美中不足嘅係呢度啲侍應唔算好nice，希望餐廳老闆睇到呢個食評可以叫啲侍應改善下態度啦
Post
