燚火鍋專門店 (Closed)

秋風起，打個靚邊爐一定正過食臘味，收工最開心梗係約埋三五知己去打個靚邊爐。出名多好野食的九龍城有不少火鍋店，不過價錢普遍都幾貴，今日朋友介紹我地黎呢間料靚價錢又合理的燚火打邊爐。一黎到店門口就比佢個優惠吸引住，侍應立即介紹我地食象拔蚌刺身+手切牛肉（total $999)，其實都真係幾合理店內裝潢不錯呢。另一個海鮮拼盤都係$98一位，我地4個人叫左2份食！象拔蚌刺身黎到，嘩！好大碟呀！每一塊都切到好大塊同厚肉，食落又好鮮甜，好正呀湯底叫左蕃茄薯仔湯同麻辣湯，迎合唔同人既口味！麻辣湯底真係一流海鮮拼盤有飽魚、龍蝦、蟹、蟶子、花蚌同蝦，超抵食！！手切肥牛非常雪花，入口即溶果隻，超讚另外叫左雲吞，好大隻！隻隻都好足料！水魷都非常新鮮！餐廳揀選食材真係一啲都唔馬虎呢！